Dåjmalasj gárvedusá vaj gáhttit nuppástimev

Nuppástimláhka sisadná gieldov nuppástibmáj ájnna sierra bálij valla láhka aj biedjá ádnomusájt barggovaddijda ja åhpadusgárvediddjijda vaj sij galggi bargat dåjmalasj gárvvedusáj, nåv vaj vuosteldit nuppástimev, nåv vaj doarjjot dásálasj riektájt ja máhttelisvuodajt.

Vuosteldit nuppástimev ja doarjjot riektájt ja máhttelisvuodajt

Dåjmalasj gárvedisá sisadni vaj vuosteldit ja duosstot nuppástimev majs li aktavuoda soabmásijs nuppástimvuododimijs sjiervve, sjiervveiesjvuohta jali sjiervvegåvådallam, etnek gullevasjvuohta, religiåvnå jali ietjá jáhkkosuorgge, doajmmahieredibme, seksuála gullevasjvuohta ja ahke. Dasi nali dat sisadná vaj doarjjot dásálasj riektájt ja máhttelisvuodajt – berustahtek nuppástimvuododimes.

Gärddádim barggo nuppástime vuosstij nieljen oasen

Gájkka barggovadde ja åhpadusásadiddje galggi dåjmadit gärddádim bargov nuppástime vuosstij nieljen oasen:

1. Åtsådalá jus gávnnu vádá nuppástibmáj – sisadno vájvedimijda ja seksuála vájvedimijda – jali hadduj jali ietjá oare ájnna ulmutja dásálasj riektájda ja máhttelisvuodajda.
2. Guoradalá årijt dajda vádájda ja gássjelisvuodajda majt dån la älvvám.
3. Divo – tjadájda gárvedusájt vaj máhttet gáhttit nuppástimev ja doarjo riektájt ja máhttelisvuodajt.
4. Tjuovvola ja merustalá bargov.

Barggo galggá tjadájduvvat maŋenagi. Barggovadde ja åhpadusásadiddje binnemusát 25 barggijn galggi aj duodastit bargov maŋenagi.

Barggovadde åvdåsvásstádus

Barggovadde galggá tjadájdit dav manne bargov nieljen oasen (åtsådalá, guoradalá, divo, tjuovvola) dájn vidán åssudagán:

• Barggovidjura
• Njuolgadusá ja dábe bálkkáj ja ietjá barggovidjurij
• Rekryterik ja allodibme
• Åhpadus ja ietjá tjähppudakåvddånibme
• Máhttelisvuohta hiebadit barggo ja äjgátvuodav

Dajn dåjmalasj gárvedimijda aj gullu vaj barggovadde galggá

• doarjot dásálasj sjiervvejuohkemav – aj njunnjuhin dåjmadagán
• buktet, tjuovvot ja merustallat njuolgadusájt ja vuogijt vaj duostodit vájvedimijt, seksuála vájvedimijt ja haddudallamijt
• tjadájdit jahkásasj bálkkámerustallamijt.

Åvddåskåvlå ja skåvlå åvdåsvásstádus

Åvddåskåvllå ja skåvllå galggá tjadájdit dav manne bargov nieljen lávken (åtsådallat, guoradallat, divvot, tjuovvolit) ålles dåjmadagán.

Dajn doajmme gárvedimijn la aj sisadno vaj åvddåskåvllå ja skåvllå galggi válldet sadjihij, tjuovvolit ja merustallat njuolgadusájt ja dábijt vaj gáhttit vájvedimijt, seksuála vájvedimijt ja haddudallamijt.

Allaskåvlå åvdåsvásstádus

Allaskåvllå galggá tjadájdit dav manne bargov nieljen lávken (åtsådallat, guoradallat, divvot, tjuovvolit) dájn vidán åssudagán:

• vuosstájválldemin ja rekryterik
• åhpadushámijn ja hábbmimijn åhpadusáv
• examinasjåvnåjn ja merustallamijn
• åhpadusbiros
• låhkåmijn ja äjgátvuodajn.

Dajn doajmme gárvedimijn la aj sisadno vaj allaskåvlå galggá válldet sadjihij, tjuovvolit ja merustallat njuolgadusájt ja dábijt vaj gáhttit vájvedimijt, seksuála vájvedimijt ja haddudallamijt.