Vi arbetar för ett samhälle
fritt från diskriminering.

Bagádibme ja dårja ietjá dåjmadiddjijs

Du kan vända dig till fler än DO

Jus dån la vájvedum nuppástimes dån aj máhtá jårgijdit vuosteldimnuppástimkontåvråjda jali fáhkalihttuj. Dån aj dalá máhtá njuolgga jårgijdit duobbmoståvlåj. Dánna mij oanet tjielggip dajt ietjá dåjmadiddjijt.

Vuosteldimnuppástimkontåvrrå

Da gávnnuji 17 bájkálasj vuosteldimnuppástimkontåvrrå (ADB) måttijn guovllojn Svierigin. Vuosteldimnuppástimkontåvrå li iesjrádak ja sierratjuodtjo lihto gudi máhtti duv viehkedit ássjij ma guosski nuppástibmáj jali fálli juridihkalasj viehkev muhtem gatjálvisáj nåvkå.

ADB Sverige External link.

Fáhkalihtto

Jus dån la sebrulasj fáhkalihton ja la vásedam nuppástimev barggon dån åvddågiehtaj galga jårgijdit duv fáhkalihttuj. Fáhka máhttá åvdåstit sijá sebrulattjajt nuppástim ássjijn ma gulluji häjop dássáj äjgátfriddjavuoda aktavuoda diehti. Sij aj máhtti vaddet rádijt ja dårjav.

Doalvvot ássjev duobbmoståvlåj

Dån aj máhtá buktet sisi åtsålvisáv stiebnnimij diggáj. Dat gåhtjoduvvá båktet hålav ja sisadná vaj dån gåhtjo duobbmoståvlåv mierredit jus nuppástibme la dáhpáduvvam jali jus ij. Dánna mij bagádip gev ja gejna dån galga válldet aktavuodav jus galga båktet hålav.

Diedo duobbmoståvlåjs vaj båktet hålav

Diedo gåk dav iesj båktå hålav duobbmoståvlåj ja makkir máksusijt dat máhttá sisadnet gávnnu Svieriga Duobbmoståvlåj webbabielen. Jurissta- jali advokáhtakontåvrrå aj máhtti tjielggit mij dáhpáduvvá.

Svieriga Duobbmoståvllå External link.

Jurist- jali advokáhtakontåvrrå

Jus dån sidá viehkev juridihkalasj åvdåstiddjes duv ássjijn dån máhtá jårgijdit jurist- jali advokáhtakontåvrråj. Dån gávna diedojt fert advokáhtajs Advokáhtaaktavuoda webbabielen.

Åtså advokáhtav Advokáhtaaktavuoda webbabielen External link.

Ruhtadårja

Jus dån dárbaha ruhtadårjav bálkkit juridihkalasj åvdåstiddjev, máhttá gåhtjodum riektásuodje duv årudaksuojen (försäkring) jali stáhta riektáviehkkeásadibme muhttijn fállat dårjav. Ienep diedojt máhtá oadtjot jus váldá aktavuodav duv suodjevidnudagájn jali Riektáviehkkefábmudagájn jali goappátjij. Riektáviehkkefábmudahka External link.

Hjälpte informationen på den här sidan dig?

Sidinformation

Senast uppdaterad: 15 mars 2022