Konzultacijakê thaj aźutimaskê ofertura katar aver aktorura

Diskriminacijakê viktimura šaj te ambolden pe vi ka l’ antidiskriminacijakê birovura vaj sindikatura. Paša kodja sî šajipe, te ambolden pe direktno kaj kris. Ake-ta katka le diverzni aktorura:

Antidiskriminacijakê birovura

Ando Švedo eksistirin totalno 18 regionalni antidiskriminacijakê birovura (Antidiskrimineringsbyrå, ADB).Von sî voluntarni thaj independentni organizaciji, kaj šaj te den tu dumo, te avela tu bajo diskriminacijako, thaj von anzaren bilovengo vi legalno konzultacija pe maj but fjal.

ADB Sverige External link.

Sindikatura

Te san membro le sindikatosko thaj sî tu bajo diskriminacijako pe ća bućako than, atuncî sî tukê o sindikato o maj malado than aźutimaskê. Le sindikatura reprezentirin pengê membron, te avena diskriminirime vaj te avel len nakdelo ande bući anda „föräldraledighet“. Von anzaren vi konzultacija thaj den dumo.

La krisaki procedura

Diskriminacijakê viktimura šaj te bolden pe vi direktno kaj kompetentno lokalno kris te došaren. Le došarimasa avel e krisi o than la decizijako kaj phenel, te sî o bajo diskriminacijako vaj na. Katka vi ašunesa kasa šaj te kontaktiris, te anesa o došarimos anglaj kris.

Informaciji pa l’ krisa thaj pa došarimos

Po interneto kata l’ švedicka krisa (Sveriges Domstolar) arakhês maj but informaciji pa kodja, sar te anes o došarimos thaj sode love šaj kam avena tukê potrebni. Relevantni informaciji arakhêsa vi ka l’ zakonoskê konzultacijakê kancelariji thaj ka l’ fiškalengê kancelariji.

Judikacija (Sveriges Domstolar) External link.

Konzultacijaki kancelarija pa l’ čačimata vaj fiškarengi kancelarija

Te rodesa aźutimos katar jeg legalno reprezentanto, te anes ćo bajo anglaj kris, atunči šaj te boldes tu karing jeg konzultacijaki kancelarija pa l’ čačimata vaj kaj fiškarengi kancelarija. Po interneto kataj švedicko fiškarengi asocijacija (Advokatsamfundet) arakhês informaciji pa diferentni fiškarija.

Fiškarengo rodimos pe website kataj švedicko fiškarengi asocijacija External link. (Advokatsamfundet)

Financijako aźutimos pala proceso
Naj svakones le potrebni love, te angažiril ekhê fiškares. Po kak data šaj te aźutil e legalno protekcija pala khêreski sigurta (Hemförsäkring) vaj le themesko aźutimos pe krisaki sama del dumo financijsko. Aver informaciji arakhês ka ći legalno sigurta (Rättshjälpsmyndigheten).

Švedicko ofiso pala legalno aźutimos External link. (Rättshjälpsmyndigheten)