Vi arbetar för ett samhälle
fritt från diskriminering.

Romani chib - kalderash

Mišto aviljan ka ombudsmanosko than kontra e diskriminacija – DO

(Välkommen till Diskrimineringsombudsmannen (DO)

Le ombudsmanosko than kontra e diskriminacija (Diskrimineringsombudsmannen, DO) sî jek governosko autoriteto, kaj kêrel peski bući pala bi-diskriminirime kethanimos ando anav katar le švedicko parlamento thaj katar le švedicko governo. Katka sîćos maj but paj diskriminacija, paj bući katar ombudsmanosko than kontra e diskriminacija thaj vi pa kodja, sar šaj te anes jeg raporto paj diskriminacija.

Diskriminacija sî zakonosa oprime

(Diskriminering är förbjudet enligt lagen)
O fundo palaj protekcija katar e diskriminacija sî le švedicko antidiskriminacijako zakono (Diskrimineringslagen). La antidiskriminacijako zakono mothol po egzemplo, kê naj slobodo te diskriminiril jeg bućako raj pesko personalo, jekh univerziteto te diskriminiril peskê studenton vaj o personalo jekhê dućanosko te diskriminiril manušên kaj aven ando dućano te ćinen vareso. O responsibiliteto palaj diskriminacijaci protekcija aśêl ande ‘k organizacija, ande jeg firma vaj ande ‘k administracija ka o menedžeri.

Le ombudsmanosko than kontra e diskriminacija (DO) lel sama, te ankêrdol la antidiskriminacijako zakon thaj lel sama te la bućako raj ankêrel o zakono kata „föräldraledighet“. O zakono pa „föräldraledighet“ oprisarel, maškar aver, le źenengi diskriminacija, kaj haznin o „föräldraledighet“. O mandato palaj ombudsmanosko than kontra e diskriminacija sî fiksirime ando zakono pala ombudsmanosko than kontra e diskriminacija (Lagen om diskrimineringsombudsmannen).

Le jefta diskriminacijakê punktura

O zakono paj antidiskriminacija pomenil jefta diverzni diskriminacijakê punktura:

  • Džendero
  • Dženderosko identiteto thaj dženderoski ekspresija
  • Etnija
  • Religija thaj aver paćamata
  • Hendikepo
  • Seksualno identiteto
  • Le manušêskê bêrša

Sî tu puśîmata?

(Har du frågor?)

Te sî tu maj but puśimata paj diskriminacija, pa antikriminacijako zakono vaj pa kodo, sar te kêres jek raporto pa ‘k diskriminacijako pecimos, vojasa das tut atveto telefonosa vaj e-mailosa. Amen primisaras vi diskriminacijakê raportura thaj te trobula, thasa pasura thaj kêrasa akciji.

08-120 20 700

do@do.se

Hjälpte informationen på den här sidan dig?

Sidinformation

Senast uppdaterad: 27 september 2021