Vi arbetar för ett samhälle
fritt från diskriminering.

Konzultaciake thaj žutimaske ofertura katar aver aktorura

(Vägledning från andra aktörer)

Diskriminaciake viktimura šaj bolden pe vi kaj antidiskriminaciake birovura vaj sindikatura. Paša kodo si šajipe, te bolden pe direktno kaj kris. Ake-ta katka e diverzni aktorura:

Antidiskriminaciake birovura

Ando Švedo eksistirin totalno 18 regionalni antidiskriminaciake birovura (Antidiskrimineringsbyrå, ADB).Von si voluntarni thaj independentni organizaciji, kon šaj den tu dumo, te avela tu bajo diskriminaciako thaj von den bilovengo vi legalno konzultacia pe maj but fjal.

ADB Sverige External link.

Sindikatura

Te san membro sindikatosko thaj si tu bajo diskriminaciako pe tja butjako than, atunci si tuke o sindikato o maj malado than žutimaske. E sindikatura reprezentirin penge membron, te avena diskriminalime vaj te avel len nakdelo ande butji anda „föräldraledighet“. Von den vi konzultacia thaj den dumo.

A krisaki procedura

Diskriminaciake viktimura šaj bolden pe vi direktno kaj kompetentno lokalno kris te anen o došarimo. E došarimasa avel e krisi o than a deciziako so phenel, te si o bajo diskriminaciako vaj na. Katka vi šunesa kasa šaj kontaktiris, te anesa o došarimo anglaj kris.

Informaciji paj krisa thaj pa došarimo

Po interneto katar e švedicka krisa (Sveriges Domstolar) rakhes maj but informaciji pa kodo, sar te anes o došarimo thaj sode love šaj kam avena tuke potrebni. Relevantni informaciji rakhesa vi kaj zakonoske konzultaciake kancelariji thaj kaj fiškalenge kancelariji.

Judikacia (Sveriges Domstolar) External link.

Konzultaciaki kancelaria pa čačimata vaj fiškalengi kancelaria

Te rodesa žutimo katar jeg legalno reprezentanto, te anes tjo bajo anglaj kris, atunči šaj boldes tu karing jeg konzultaciaki čačimatangi kancelaria vaj kaj fiškarengi kancelaria. Po interneto kataj švedicko fiškalengi asociacia (Advokatsamfundet) rakhes informaciji pa diferentni fiškaria.

Fiškarengo rodimo pe website kataj švedicko fiškalengi asociacia External link. (Advokatsamfundet)

Financiako lovengo žutimo so trobuja tu pala proceso
Naj sakone ženes dosta love, te angažirij ekhe fiškares. Univar šaj žutij i legalno protekcia pala khereski sigurta (Hemförsäkring) vaj e themesko žutimo pe krisaki sama del financiako dumo. Aver informaciji rakhes ka tji legalno sigurta (Rättshjälpsmyndigheten).

Švedicko ofiso pala legalno žutimo (Rättshjälpsmyndigheten) External link.

Hjälpte informationen på den här sidan dig?

Sidinformation

Senast uppdaterad: 15 maj 2022