Vi arbetar för ett samhälle
fritt från diskriminering.

Informacia pa jek diskriminaciako bajo

(Anmälan till DO)

Pe kadi rig das tu informacia pa kodo, sar te anes jek došarimasko raporto ka ombudsmanosko than kontra i diskriminacia (DO) thaj so amen šaj te keras pe kodi sama. Amen das tut vi informacia pa aver aktorur save primisaren došarimaske raportura thaj save den konzultaciji paj diskriminaciaki tema. Te san membro ande ‘k sindikato thaj san diskriminalime pe tja butjako than atunči avel po angluno than o sindikato tje žutimasko partnero.

Save informaciji te des?

Dukhade tu tut vaj dukhade varekas anda tjiro trujalipe, haj kodo anda džendero, anda dženderosko identiteto thaj anda dženderoski ekspresia, andaj etnia, andaj religia, anda hendikepo, anda seksualno identiteto vaj andaj berša, sas tut nakdelo thaj dukhadili tjiri patjiv? Kasave bajura šaj te peren pe diskriminaciaki sama. Pa kadala trabi šaj te informiris e ombudsmanosko than kontra i diskriminacia (DO). Te sanas vaj san diskriminalime katar tja butjako gazda, anda kodo kaj hasnalindan tjo pravo pala „föräldraledighet“, atunči trobus te des amen informacia vi pa kodo.

Trajil o Del tji bax, na bister, te šos jeg apropriatno faktongo dokumento, te dokumentiris tje bajura. Kide sa e relevantni informaciji so šaj hasnin tuke maj palal pe bajoski investigacia sar evidencia. Kadala trabi šaj te aven informaciji pe e-mailura, SMS vaj audio rekordingura, save dokumentirin tjire eksperiansi thaj tjire pecimata.

E došarimasko raporto bišadan – sar žal i butji maj dur?

Sako berš resen amen karing 2000 došarimaske raportura. Sako došarimasko raporto dikhel les amaro jekh specialisto, te kerel evaluacia thaj te dikhel, te trobuj pala pomenime traba te šon pe maj but pasura (inke jeg monitoringo). Te si o pomenime bajo diskriminacia vaj na, pa kodo šaj te inkeras evaluacia kana ame putras jeg investigacia pa kadi traba.

Došarimata, so či nakhen ži kaj investigacia, las ame pale ande evaluacia, ke kam avena hasnake amara butjake savi kam paruvel o taršošago. Lasa barjaras o žanglimo thaj o hatjarimo paj diskriminacia thaj das impakto e ran so anen e deciziji. Ame formirisaras instrumentura pala a butjake raj, te das len dumo te žal angle a promociaki butji pala čačimata thaj šajimata, te aven pala sako manuš ekhe učimaste.

Karing deš procentura kata sa a diskriminaciake raportura monitoril o ombudsman (DO). Uni incidentura das ame maj dur kaj kris (cirka 1 % katar sa e došarimata).

Ker jeg raporto paj diskriminacia

(Gör en anmälan)

Pher e došarimasko formulero

Te kames te keres jeg raporto pa jeg diskriminaciako bajo, šaj te keres printo amaro došarimasko formulero. Pher les thaj bišav les amenge vaj poštasa vaj e-mailosa. O formulero si aktualno numa pe švedicko šib.

Došarimo lilesa

Paj diskriminaciake bajura šaj iskiris amenge ande ‘k informalno lil thaj šaj te bišaves les amenge a poštasa vaj e-mailosa. Iskirin ando lil tje kontaktoske data - anav, adresa, telefono, thaj e-mailoski adresa - thaj sa e relevantni data e ženeske vaj a instituciake, save si o objekto tjire došarimasko. Iskirin i situacia so maj but detailirime. Paša kodo trobun amen vi informaciji kana pecisajlas o bajo, kon sas diskriminalime thaj savo diskriminaciako punkto andaj efta diskriminaciake punktura si pala tjiro gindo o maj fontošo.

Došarimo ande aver šiba

Jeg diskriminaciako raporto karing e ombudsmanosko than kontra i diskriminacia (DO) šaj avel andi sako šib. Amari butji si, te avel o došarimo tolmačime pe švedicko šib. Ande maj but trabura dasa anglal pe švedicko šib.

Oralno došarimo

Te si tuke pharo te iskiris lil vaj te pheres e došarimaske formulerura, šaj te anes tjo došarimo oralno vaj pe aver sama.

Jeg došarimo si jeg generalno legalno akto

E došarimaske raportura, so resen amen, aven amendar registririme thaj primin jekh procesosko numero. E ombudsmanosko than kontra i diskriminacia si jeg regeringoski institucia thaj e registrirme došarimaske raportura si jeg generalno, legalno akto. Kodo bušol, sakone ženeske si akceso te dikhel e aktura. Numa maj anglal so dasa o akto maj dur, keras jeg siguriaki kontrola. Konfidentni trabi, avena, te trobuja, šarade thaj durade katar e aktura.

Žene kon informirin pa zurale čorre, bimalade situaciji thaj bajura pe butjako than, len si len zakonosa protekcia katar represaliji. Po egzemplo, jeg butjako gazda či tromal te štrafij jekhe ženes, savo kerel leste butji taj del informacia paj diskriminacia, thaj kodolesa avel štrafime maj phara butjasa. Pa zakonoske dukhavimata šaj informiris e ombudsmanos.

Hjälpte informationen på den här sidan dig?

Sidinformation

Senast uppdaterad: 1 januari 2022