Aktivni pasura palaj protekcia kataj diskriminacia

Ande antidiskriminaciako zakono naj numa direktivi save zabranin i diskriminacia. O zakono del a butjake thaj a edukaciake ran i obligacia te šon von vi aktivni pasura palaj prevencia a diskriminaciaki pe butjako than thaj te promotin e manušenge čačimata thaj šajimata.

Preventivno butji kontra i diskriminacia thaj palaj promocia katar manušenge čačimata thaj šajimata

A antidiskriminaciako zakono del a butjake gazdan thaj a edukaciake ran e direktiva, te šon pozitivni pasura sar preventivno butji kontra i diskriminacia thaj palaj promocia katar manušenge čačimata thaj šajimata sajek če dženderosko-j o manuš, sajek če dženderoske identiteto lo, sajek če dženderoska ekspresiako lo, sajek če etniako lo, sajek če religiako lo, sajek če avere patjamasko lo, sajek če hendikeposko lo, sajek save seksualnone identitetosko lo thaj sajek sode beršengo lo.

Sistematično butji kontra i diskriminacia ande štar pasura

E sistematično butji kontra i diskriminacia trobuj te inkerdol ekhe bi-tordjimaske procesosa haj kodo pe štar pasura:

1. Identifikacia katar diskriminaciake rizikura – uključime si o riziko katar bimalade agresiji thaj seksulani agresiji – thaj identifikacia katar nasul represaliji (štrafura) vaj katar aver faktura, so putren o drom pala diskriminaciako behandlingo thaj anen nakdelo pala individualni žene
2. Analiza kaj si e vuni katar e identificirime rizikura thaj barijeri.
3. Te šon pe pasura te na avel ži kaj diskriminacia thaj te promotin pe e čačimata thaj e šajimata te aven savora žene jekhe učimast
4. Monitoringo thaj evaluacia a butjaki

E butji trobuj te kerel pe ande ‘k bi-tordjimasko, permanentno proceso. Firmi thaj instituciji saven maj but de 25 žene, si te dokumentirin pengi butji iskirime.

Ansvaro katar a butjako gazda

E sistematično butji kontra i diskriminacia ande štar pasura (identifikacia, analiza, pasura, monitoringo) katar a butjako gazda, si te inkerdol ande kadala panž sekciji:

• Butjaki relacia thaj butjako trujalipe
• E potjin thaj aver butjake kondiciji
• Butji ande jeg firma thaj promocia
• Edukacia thaj kotinuacia a edukaciaki
• Kompatibiliteto katar a butjako trajo thaj o „föräldraskap“

Aver sekciji kaj trobuna te nakhen ande sistematično butji, si

• E promocia katar e šansi save si pala sako manuš jekhe učimaste thaj dženderoski distribucia – vi pe menedžerosko levelo
• Te inkerdol monitoringo thaj evaluacia katar e direktivi thaj rutini palaj prevencia katar i bimaladi agresia, katar i seksualno agresia thaj katar represaliji
• Te kerel pe jeg beršeski strukturaki analiza katar e potjin

Ansvaro katar šavorenge grižake centrura/školi

Pe thana pala šavorengi griža thaj ande školi si te inkerdol jek sistematičko butji kontra i diskriminacia haj kodo ande štar pasura (identifikacia, analiza, pasura, monitoringo) aj kodo pe savora sekciji.

Ande butji katar e thana save si pala šavorengi griža thaj ande školi trobuj te nakhen vi kadala butja: te kerel pe monitoringo thaj evaluacia katar e direktivi thaj rutini palaj prevencia katar bimaladi agresia, katar i seksualno agresia thaj katar represaliji (štrafura).

O ansvaro kataj uči škola/univerziteto

Ande uče školi/univerzitetura si te inkerdol i sistematično butji kontra i diskriminacia thaj kodo pe štar pasura (identifikacia, analiza, pasura, monitoringo) ande kadala panž sekciji:

• Permisia thaj rekrutacia
• Sitjarimaske formi thaj edukaciaki organizacia
• Testura thaj evaluaciji
• Sitjarimo thaj sitjimasko trujalimo
• Kompatibiliteto katar i studija thaj o „föräldraskap“

Ande sistematično butji katar e uče školi/univerzitetura trobul te nakhen vi kadala butja: te kerel pe monitoringo thaj evaluacia katar e direktivi thaj rutini palaj prevencia katar i bimaladi agresia, katar i seksualno agresia thaj katar e represaliji (štrafura).