Meänkieli (Tornedalsfinska)

Diskrimineerattu?

Diskrimineerinkilaki oon laki joka suojaa sinua siittä ette sinua diskrimineerathaan. Diskrimineerinki oon ko esimerkiksi työnantaja kohtelee jotaki henkilöa huonomasti ko muita.

Sie saatat tehhä ilmotuksen diskrimineerauksesta jos sillä oon yhtheyttä johonki näistä:

  • Sukupuoli
  • Sukupuoltaylittävä identtiteetti eli ilmasu (uttryck)
  • Eetninen kuuluvuus
  • Uskonto eli muu usko
  • Heikentynny toimintakyky (Funktionsnedsättning)
  • Seksyaalinen taipumus
  • Ikä

Laki suojaa sinua diskrimineerausta vasthaan esimerkiksi työpaikala, koulussa, korkeakoulussa, kaupassa ja ko ostat asunon eli hyyräät asunon.

Laki suojaa kans sinua diskrimineerinkiä vasthaan muila aloila, esimerkiksi terhveyskeskuksessa, siukkatuala ja sosiaalipalvelussa.

Saatat ilmottaa Diskrimineerinkiombudsmannile (DO) jos sie uskot ette sinua oon diskrimineerattu. DO:le ilmottaminen oon ilhmaista.

Saatat kans tehhä ilmotuksen jos sinua oon koheltu huonomasti sen takia ette sie olet, meinaat olla eli olet ollu vanhempainleetissä.